Exponat 2025

S Herzstück vom Festival isch d’Usstellig, voll mit Exponate us allne Berich vo de historische Computerei. Ob analog oder digital, mechanisch oder elektrisch, Spiili oder Serious Business, mit Röhre und Transistore oder einach uf Papier: Bi de Vilfält vo de usgschtellte Objekt sött für jede öppis Spannends debi sii.

De VCFZH isch vor allem es Mitmach-Festival. Di meischte Exponat laded zum Aalange und Bediene ii, und d’Uussteller hälfed dir au gern und beantworted Frage. Au wider debi sind üsi Challenges, wo zu jedere Station en Überblick und Ideeä zum Mitmache gänd.

Än Uuszug vo de Exponat wird da vorgestellt, aber alles werded mir no nöd verrate. Chömed lieber verbi und mached Eu Eues eigene Bild!