IMC-2001

De IMC-2001 isch en taiwanesische Computer, wo sowohl als Apple ][ Klon als au als CP/M-Maschine brucht werde chan. Er stammt us em Jahr 1984 und hät sowol en 6502- wie au en Z80-Prozessor iibaut, wo sich de glich Speicher und Peripherie teiled. De Computer isch dank sim offene Steckplatzsystem extrem eifach erwiiterbar. D’Hauptplatine isch vom Typ GTAC-2 (“Generic Taiwanese Apple Clone”), wo sich sicher in 100 verschiidene “Marke” vo Apple ][ Klone weltweit z’finde isch.

De Computer hät 64 KB Hauptspeicher (mit AppleSoft BASIC und em Monitorprogramm im ROM). Er bütet en 40×24 Textmodus (monochrom), en Grafikmodus mit nidriger 40x48x16 Uflöisig und en 280x192x6 Grafikmodus mit höcher Uflöisig. Über ä Videx Video Term Karte chan er au 80×25 Textvideo usgeh. Er isch mit zwei Diskettelaufwerk uusgstattet, wo 140 KB pro Diskettesite spichere chönd.

Betribssystem für d’Maschine sind Apple DOS 3.3, ProDOS 8, CP/M 2.2 und CPM-65 (Dank defür an David Given).