Chip-Art

CPU Duke ladt Eu ii, i di faszinierendi Mikrowält vo de Mikroprozessorä ii z’tauche.

Mit emene leischtigsschtarche Uufliechtmikroskop werded di mikro- und submikrometergrosse Strukture vo de Transischtore und Leiterbahne sichtbar g’macht.
Segment chönd so fotografiert werde, und hunderti vo däne Bilder chönd zu grossformatige Detailbilder zäme g’setzt wärde.

Zudem git’s under de Designer, wo für diä lithografische Maske bi de Chipherschtellig zueschtändig sind, e richtigi Kunscht Szene.

Da wärded Silicondoodles, Eastereggs, Graffiti und Botschaftä uf Halbleiter iigravieret.

CPU Duke het sich’s zur Uufgab g’macht, diä Kunst z’finde, z’entziffere und de Öffentlichkeit zuegänglich z’mache.